പുതിയ എഴുത്തുകാരെ വായിക്കാൻ ശ്രമിക്കുന്നതിനിടയിൽ കൈയിൽ എത്തിയ ബുക്ക്‌ ആണ് അനീഷ് തകടിയലിന്റെ “ഹുമയൂൺ തെരുവിലെ സാക്ഷി “. സമയക്കുറവ് കാരണം വലിയ ബുക്കുകൾ ഷെൽഫിന്റെ കോർണറുകളിൽ ഉപേക്ഷിക്കപെടാറാണ് പതിവ്. പക്ഷെ 100 പേജുകൾ മാത്രം ഉള്ള ഈ ബുക്ക്‌ ഒറ്റരാത്രി കൊണ്ട് വായിച്ച് തീർക്കാൻ പറ്റി എന്നത് എടുത്ത് പറഞ്ഞേ പറ്റൂ. ചരിത്രവും ആനുകാലികവും ഇഴ ചേർത്ത് നെയ്യ്തെടുത്ത കൃതി. ചെരുപ്പുകുത്തിയായ സുൽത്താനും തെരെസ്സയും ആനന്ദും കാളിമായും അനുരൂപും വായനക്കാരന്റെ മനസ്സിൽ പതിയാതിരിക്കില്ല. ബെൻ കി ആസാൻ എന്ന ബുദ്ധസന്യാസിയും, നായരേട്ടനും, മാധവ്ജിയും, അങ്ങനെ ഓരോരുത്തരും ഓരോ കഥകളാണ്. നോട്ട് നിരോധിച്ചത് അറിയാത്ത ശ്യാമ മനസ്സിൽ ഒരു നൊമ്പരമായി. എന്തുകൊണ്ടും ആനുകാലിക പ്രസക്തിയുള്ള ഒരു കൃതി തന്നെയാണ് ” സാക്ഷി “. എഴുത്തുകാരന് അഭിനന്ദനങ്ങൾ.

അനീഷ് തകടിയിൽ രചിച്ച ‘ഹുമയൂൺ തെരുവിലെ സാക്ഷി’ എന്ന നോവൽ ഒറ്റയിരിപ്പിൽത്തന്നെ വായിച്ചു തീർത്തു. വളരെ ഇഷ്ടമായി. സൂചനകളിലൂടെ യാഥാർത്ഥ്യങ്ങളിലേയ്ക്ക് ശക്തിയായി വിരൽ ചൂണ്ടുന്ന – ചരിത്രത്തിൻ്റെ കാണാപ്പുറങ്ങളിലേയ്ക്ക് കണ്ണോടിക്കുന്ന – ചരിത്രത്തിൻ്റെ നിഗൂഢതകളിൽ ഒളിഞ്ഞു കിടക്കുന്ന കഥാഗതിയുള്ള സാക്ഷിയെ നമുക്കു കാട്ടിത്തരുന്നു അനീഷ്. സത്യത്തിലേയ്ക്കുള്ള പൂട്ടുതുറക്കുന്ന താക്കോൽ ഈ നോവലിലുണ്ടെന്ന ആമുഖക്കുറിപ്പ് യാഥാർത്ഥ്യമാക്കുന്ന നോവൽ നമ്മെ സത്യത്തിൻ്റെ ഉള്ളറകൾ കാട്ടിത്തരുന്നു.അനീഷിൻ്റെ രണ്ടാമത്തെ നോവലാണിത്. എഴുത്തിൻ്റെ മേഖലയിലെ എല്ലാ പ്രതിബന്ധങ്ങളെയും തകർത്ത് നോവലിലെ ആനന്ദിനെപ്പോലെ ഉയരങ്ങളിലെത്താൻ അനീഷിനു കഴിയട്ടെയെന്ന് ആശിക്കുന്നു. പ്രിയപ്പെട്ട അനീഷ് അഭിനന്ദനങ്ങൾ, ആശംസകൾ.